Во рамките на концертната програма на годинешниот S.O.S. Festival 2026, сцената на Антички театар Охрид ќе ги отвори вратите за една од најголемите македонски рок-групи – „АРЕА“, која на 31 јули (петок) ќе го одржи својот голем летен концерт во живо, под отворено небо.

Ружица, Ивица и екипата од бендот уште еднаш ќе ги отворат своите „Врати на имагинација“ за многубројната публика и ќе ги изведат најпознатите хитови од својот богат музички опус, како „Сите мои слики“, „Пријател“, „Одведи ме“, „Биди мој“… но и сите останати парчиња од нивниот „ѓердан на музички скапоцености“, нанижан низ повеќе од успешната тридецениска кариера.

Софистицираната, а сепак жестока концертна свирка, во која доминираат моќниот и препознатлив вокал на Ружица и прецизните гитарски делници на Ивица, поддржани од цврстата ритам-секција, хармонската подлога на клавијатурите и дискретниот придружен вокал на Елена, настапот на „АРЕА“ го претвораат во концертен перформанс со загарантирано уживање.

Особено кога нивниот концерт се одвива во уникатен културно-историски амбиент под ѕвездено небо, каков што нуди Античкиот театар во Охрид, тогаш доживувањето е навистина единствено.

Затоа, не пропуштајте го концертот на „АРЕА“ на 31 јули (петок) во Античкиот театар во Охрид – настан во организација на Fresh Union – Film, Music and Booking Agency, проект поддржан од Министерство за култура на Македонија.