Анкета: Дури 65 проценти од Србите се против независноста на Косово

flags of Kosovo and Serbia painted on cracked wall,Image: 319209386, License: Rights-managed, Restrictions: , Model Release: no, Credit line: Zoonar GmbH / Alamy / Alamy / Profimedia

Резултатите од анкетата на Институтот за европски работи на тема „Ставовите на граѓаните на Србија кон Косово” покажуваат дека мнозинството Срби се против независноста на Косово.

На прашањето ако утре се одржи референдум за независност на Косово, 64,9 проценти од испитаниците изјавиле дека би гласале „против”, 13,6 отсто изјавиле дека не би излегле на гласање, 12 проценти одговориле дека не знаат како да гласаат, додека 9,5 отсто би гласале „за”.

Дека Косово не е изгубено, оцениле 46 проценти од граѓаните, 39 отсто мислат дека е така, а 15 проценти се неодлучни.

Институтот истакнува дека во однос на претходните истражувања има мал тренд на опаѓање на одговорот дека Косово е изгубено.

Нешто повеќе од една четвртина од испитаниците односно 26 отсто од нив веруваат дека актуелната српска Влада ќе го признае Косово, 52 проценти одговориле дека Владата нема да го направи тоа, додека 22 отсто одговориле дека не знаат како да се изјаснат по ова прашање .

Анкетата покажува дека дури 75 отсто од граѓаните не би ја поддржале независноста на Косово поради побрз влез на Србија во Европска Унија, додека 13 отсто би поддржале, а 12 отсто се неодлучни. Од вкупниот број испитаници, 45 проценти оцениле дека не е можно Србија да ја врати целосната контрола и суверенитет врз Косово, додека 38 проценти изјавиле  дека тоа е можно.

Резултатите од истражувањето покажуваат дека 85 отсто од испитаниците не знаат каков е планот на Владата на Србија за Косово, претежно жени, како и испитаници на возраст под 44 години.

Нешто повеќе од половина, односно 54 отсто ​​од испитаниците не би го поддржале планот на претседателот Александар Вучиќ што ќе донесе независност на Косово и стабилна држава и подобар стандард за српските граѓани, 21 отсто би го поддржале тој план, додека една четвртина од испитаниците нема мислење за тоа прашање.

Видео на денот