Членот на Атлетскиот клуб Работнички и македонски репрезентативец Андреас Трајковски денеска ќе настапи во дисциплината скок во далечина на престижниот атлетски митинг во Белград.

Митингот во српскиот главен град е дел од Златната серија на митинзи во сала под капата на Светска атлетика.

Конкуренцијата ќе биде исклучително силна, на стартната листа се и моментално најдобрите скокачи во светот.

Главни конкуренти за највисок пласман се Божидар Сарабујуков од Бугарија со 8,39 метри оваа сезона и Милтош Тентоглу од Грција со 8,25 метри.

Трајковски сезонава во сала има најдобар резултат од 7,82 метри, што најавува возбудлив и квалитетен настап.

Скокот во далечина започнува од 17.55 часот, а натпреварот може да го следите во живо на Арена Спорт премиум.