Популарниот лудак „Ел Локо“ по пауза од 16 години го внесе Лидс во Премиер лигата, но неговиот договор истече на крајот од сезоната. Сепак, извршниот директор на екипата, Ангус Кинијар е убеден дека наскоро ќе биде потпишан нов договор и Биелса ќе остане тренер на Лидс и македонскиот репрезентативец Езгјан Алиоски и во новата сезона.

– Знам дека навивачите се нервозни, тоа ме прави и мене нервозен но мислам дека нема потреба за такво нешто. Марсело е апсолутно фокусиран на работата, но како и минатата сезона знам дека сите беа нервозни поради договорот. Останува на Марсело да одвои време и да се фокусира на потписот на новиот договор. Разговараме секој ден, но тоа се разговори за подготовките за новата сезона – вели Кинијар.

Лидс во премиерниот настап во најсилната англиска лига по 16 години го доби најтешкиот можен предизвик, му гостува на „Енфилд“ на шампионот Ливерпул.