Екипата на Динамо Загреб за која настапуваат македонските репрезентативци, Аријан Адеми и Стефан Ристовски, ја освои двојната круна во Хрватска откако вечерва триумфира во Купот.
„Модрите“ во неверојатен натпревар со 6:3 ја совладаа Истра 1961 и по 16. пат триумфираат во Купот, а по 12, пат ја освојуваат двојната круна.

Динамо по првото полувреме имаше предност од 3:0 со головите на Оршиќ, Адеми и Мајер и кога сите помислија дека победникот е решен, фудбалерите на Истра на стартот од второто полувреме за една минута преку Хара дадоа два гола и намалија на 3:2. Динамо потоа зголеми на 4:2 со автоголот на Шутало, за Гржан повторно да внесе резултатска неизвесност. Во финишот Оршиќ и Гаврановиќ дадоа уште два гола за заверка на победата и трумф во Купот.
Македонските репрезентативци Адеми и Ристовски ги одиграа сите 90 минути за Динамо Загреб.