„Ѝ донесе среќа на репрезентацијата“: Принцот Џорџ во костум ја пееше химната на натпреварот Англија-Германија
Многу луѓе низ Европа доживуваат огромна возбуда навивајќи за репрезентацијата на својата земја на Европското првенство во фудбал. Меѓу нив е и малиот принц Џорџ (7), кого родителите го одвеле на фудбалскиот натпревар за да навива за репрезентацијата на Англија.
Кејт Мидлтон и принцот Вилијам заедно со својот најстар син го гледале возбудливиот натпревар помеѓу Англија и Германија што се одржа вчера на стадионот „Вембли“.
Возбудата била уште поголема бидејќи Англија победи со 2-0 и со тоа се пласираше во четвртфиналето. Исклучително возбудлива вечер за малиот ученик.
Симпатичниот Џорџ облечен во костум со вратоврска, во целосен склад со неговиот татко, во текот на натпреварот не можел да ја скрие возбудата, а воочи натпреварот ја пеел и националната химна.
Incredible performance @England!#GERENG pic.twitter.com/QLOIJ9Ihn6
— The Duke and Duchess of Cambridge (@KensingtonRoyal) June 29, 2021
Принцот Вилијам и Кејт на својот официјален „Твитер“ објавија заедничка фотографија на која сите тројца се смеат и ракоплескаат. „Неверојатна изведба Англија“, пишува во објавата.
Во ВИП ложата, неколку реда зад кралското семејство, биле и фудбалерот Дејвид Бекам со својот син Ромео и пејачот Ед Ширан во друштво на сопругата Черил Сиборн.