Златото во 2025: Неочекуван силен раст и рекорди
Во 2025 година златото ги надмина дури и најоптимистичките очекувања со пораст од околу 66 проценти и достигнување рекордни нивоа од почетокот до крајот на годината. Овој раст беше поддржан од повеќе фундаментални фактори: слабеење на американскиот долар, намалување на каматните стапки од Федералните резерви, геополитички тензии и пораст на купувањата од страна на централните банки. Инвеститорите го избираа златото поради безбедносна улога бидејќи во период на економска неизвесност и глобална геополитичка тензија, инвеститорите преминуваа од ризични хартии (акции, обврзници) кон „безбедна“ актива — како што е златото. Активното купување златни резерви од централните банки во светот ја зголеми побарувачката, што исто така го турна ценовниот тренд нагоре.
Препорачано
Денес се продава по 118 долари за грам.
Еуфорија за сребро, цената се зголеми за 110 проценти во 2025 година
Многу анализи и прогнози предвидуваат дека златото ќе продолжи да расте и во 2026, иако веројатно во поумерен ритам отколку во 2025. Некои финансиски центри, како World Gold Council, проценуваат дополнителен раст на цената од 15–30% следната година, поттикнат од слаб долар, низок принос на обврзници и силна побарувачка за безбедни активи.
Реномирани банки, како Goldman Sachs, очекуваат златото да го надмине нивото од околу $4,900 за унца до крајот на 2026 ако економските услови останат нестабилни.
Некои прогнози повикуваат на консолидација околу 4,000–4,500 долари наредната година, што ќе значи стабилизација и потврда на пониско-волатилен тренд, наместо експлозивен раст.
Аналитички групи предупредуваат дека силниот раст од 2025 може да доведе до период на корекција или „консолидација“ во 2026, особено ако економските индикатори покажат зајакнување на глобалниот раст и повисоки каматни стапки отколку што се очекува. Годинава се покажа како година на рекорди за златото — со единствен раст кој ретко се гледа на финансиските пазари.
Зошто златни монети, а не златни прачки за малите инвеститори?
Во 2026 најверојатно ќе ја одржи повисоката цена и инвестициски интерес, но ќе биде година на стабилизација и „консолидација“ со можност за понатамошен раст ако макроекономските услови продолжат да фаворизираат безбедносни активи како што е златото.
