На овој турнир, освен борачите од БК Балканец, имаше и борачи од Ерменија и сите клубови во грчко-римски стил од Бугарија.

Борачите на БК Балканец ги постигнаа следниве резултати:

35кг. Марио Ананиев прво место
25кг. Леон Манов второ место
25кг. Андреј Мишев трето место
32кг. Стефан Стојков трето место
35кг. Јован Атанасов трето место

За пофалби се и останатите борачи Бојан Спасевски, Ненад Панов и Стојанче Стојков кои покрај две победи, забележаа и два тесни порази со што за малку не успееја да се закитат со медали. За квалитетот и масовноста на турнирот доказ се борбите на Марио Ананиев кој за да освои златен медал извојува пет победи.

БК „Балканец“ и останатите клубови во Македонија практикуваат слободен стил, но на овој турнир докажаа дека можат да освојат и медали од грчко-римски стил (каде зафати за нозете и со помош на нозете не се дозволени).

– Пофалби добивме од сите страни, пред се од големо значење ни се честитките од Армен Назарјан (2 пати олимписки, трипати светски и шестпати европски шампион, моментално селектор на Бугарија во грчко-римски стил) кој посака соработка и заеднички тренинзи на нашите борачи со неговите борачи во Софија. Ова ни дава мотив повеќе за во иднина во нашиот клуб практикуваме и учествуваме на натпревари во грчко-римски стил. На овие натпревари правдата ја делеше и меѓународниот судија од нашиот град Марјан Лазаров. Борачите кои настапија во Бугарија и друѓи борачи од нашиот клуб ќе настапат на Меморијалниот турнир во Велес – информираат од БК „Балканец“ Штип.