„Златниот орел“ за Кобајаши, победник на Новогодишната турнеја „Четири скокалници“
Со ски скоковите во австрискиот Бишофсхофен денеска заврши јубилејната, 70 новогодишна турнеја „Четири скокалници“, каде што севкупниот триумф на турнејата го потврди Јапонецот Рјоји Кобајаши, иако на последната скокалница го освои само петтото место.
На четвртата скокалница од новогодишната турнеја најдобар беше Австриецот Даниел Хубер, а Кобајаши ја пропушти можноста да стане првиот скокач во историјата кој двапати ја освоил турнејата во кариерата со сите четири победи на четири скокалници, т.н. Грен слем“. Јапонецот овојпат ќе мора да се задоволи со победи во првите три скокалници, а овојпат не беше на потребното шампионско ниво.
Кобајаши во двете серии скокна по 133,5 метри и тоа беше доволно да ја освои титулата на ова традиционално натпреварување.
На Хубер за победа му беа потребни вкупно 286,8 поени во Бишофсхофен (скокови од 136,5 и 137 метри), на втората позиција се најде Норвежанецот Халвор Егнер Гранеруд со 4,4 поени заостанување, а на подиумот се најде и Германецот Карл Гајгер со 4,9 поени заостанување во однос на Хубер.
Конечен пласман на 70 издание на Новогодишната турнеја „Четири скокалници“: Рјоју Кобајаши (Јапонија) 1162,3 поени, Мариус Линдвик, (Норвешка), 1138,1, Халвор Егнер Гранеруд (Норвешка), 1128,2, Карл Гајгер (Германија), 1123,6, Маркус Ајзенбихлер (Германија), 1117,6 поени, итн.