Златан повторно шокира: Убил лав на сафари па го препарирал
Ибрахиковиќ пред три години, во приватна режија беше во Македонија за да лови дивеч.
За време на престојот во Јужна Африка во 2011 година, Златан Ибрахимовиќ, убил лав по што го препарирал, пишува шведскиот весник „Експресен“.
Актуелниот фудбалер на Милан, тогаш кожата, черепот и вилицата од убиениот лав ги однел во Малме и со нив го украсил својот дом.
Лавот пред да го биде застрелан од Ибрахимовиќ бил повеќе од една година во заточеништво. Животното било пуштено од кафезот по што Златан кој поседува дозвола за лов, го застрелал.
Svenska kändisarna skjuter och importerar hotade arter – Expressen granskar jaktresor • Här är huset Kinesiska muren i Malmö, där ingen vill bo • 25-årige Noah Green har pekats ut som misstänkt för att ha kört på två polismän vid Kapitolium https://t.co/hbYUNwkJqT
— Expressen (@Expressen) April 3, 2021
Во Јужна Африка е забрането да се ловат животни кога се ставаат во затворена арена од која не можат да избегаат, но дозволен е лов на лавови кои се одгледани во заточеништво. Тоа се животни кое се одгледани само со една намера, да бидат плен на ловците.
За тоа дека Златан Ибрахимовиќ обожува да лови диви животни знаат и Македонците. Имено, пред три години Ибрахимовиќ беше и во Македонија на лов на дивеч, а штипјани не ја пропуштија можноста да се фотографираат со него. Меѓу лицата кои се сликаа со Ибрахимовиќ е и ракометаниот репрезентативец Мартин Поповски.
Златан не е единствената фудбалска ѕвезда која престојувала во Македонија за да лови дивеч. Пред него, истото го стори и актуелниот фудбалер на Манчестер јунајтед, Единсон Кавани.