Жоу, Менсалао и Маркоски ја напуштија Шкендија
Фудбалскиот клуб Шкендија ја информираше јавноста дека е прекината соработката со играчот за врска Камерунецот Џеси Жоу, Бразилецот Андре Менсалао, како и со напаѓачот Кире Маркоски.
Клубот им се заблагодарува на тројцата фудбалери и за придонесот во „црвено-црниот“ дрес, посакувајќи им многу среќа и успех во кариерата.
Во првенството Маркоски имаше само еден гол од девет настапи, Жоу запиша 23 настапи, а Менсалао имаше 11 настапи и еден погодок.
Изминатата сезона тетовските „црвено-црни“ го освоија третото место во Првата македонска лига.
Играчите на ФК Шкендија моментно се на одмор, а наскоро ќе го дознаат и ривалот во квалификациите на Лигата на конференции.