Зеленски за хеликоптерската несреќа кај Киев: Страшна трагедија, тие беа вистински патриоти
Украинскиот претседател Володимир Зеленски ја опиша утринава хеликоптерската несреќа во Бровари, во која загина целото раководство на украинското Министерство за внатрешни работи, предводено од министерот Денис Монастирски, како „страшна трагедија“ и „темно утро“.
Во објава на својот канал Телеграм, Зеленски напиша: „Денеска се случи страшна трагедија во Бровари, Киевската област. Се урна хеликоптер за државна итна помош, а на местото на несреќата избувна пожар.
Сѐ уште се утврдува точниот број на жртвите од оваа трагедија. Меѓу жртвите се министерот за внатрешни работи Денис Монастирски, неговиот прв заменик Јевхен Џенин, државниот секретар Јури Лубковчи, нивните помошници и екипажот на хеликоптерот. Повредени се 25 лица, меѓу кои и три деца. Според достапните податоци, три деца починале. „Болката е неопислива. Хеликоптерот падна недалеку од градинката“, објави Зеленски.
„Им наредив на безбедносните служби на Украина да ги истражат околностите за тоа што се случи во соработка со полицијата и другите надлежни органи. Сите служби се на местото на трагедијата и си ја вршат својата работа“, напиша украинскиот претседател.
„Изразувам сочувство до семејствата и пријателите на жртвите. Денис, Евхен, Јури, тимот на Министерството за внатрешни работи… вистински украински патриоти. Почивајте во мир. Нека сите оние чии животи беа згаснати во ова темно утро почиваат во мир“, објави Зеленски.
ВИДЕО: Во хеликоптерска несреќа загина украинскиот министер за внатрешни работи