Зеленски: САД побара помош од Украина против дроновите на Блискиот Исток
Украинскиот претседател, Володимир Зеленски, посочи дека Соединетите Американски Држави побарале помош од Украина во борбата против дроновите со кои Иран возвраќа на американскиот и израелскиот напад врз оваа земја.
Препорачано
Во објава на социјалната мрежа „Икс“, Зеленски појасни дека станува збор за барање за поддршка во одбраната од иранските беспилотни летала од типот „Шахед“.
„Добивме барање од Соединетите Американски Држави за конкретна помош во одбраната од ‘Шахед’ на Блискиот Исток. Наредив да се обезбедат потребните средства и да се ангажираат украински експерти кои можат да ја гарантираат потребната безбедност“, напиша Зеленски.
We received a request from the United States for specific support in protection against “shaheds” in the Middle East region. I gave instructions to provide the necessary means and ensure the presence of Ukrainian specialists who can guarantee the required security. Ukraine helps…
— Volodymyr Zelenskyy / Володимир Зеленський (@ZelenskyyUa) March 5, 2026
Тој во своето редовно видеообраќање потоа рече дека „наш приоритет е да направиме сѐ за да ја завршиме војната (со Русија)“.
Според Зеленски, ќе го продолжат дипломатскиот процес кога американските партнери ќе бидат подготвени да работат како што се договориле – билатерални формати со нив, трилатерални формати со Русија, како и работа со Европјаните.
„Во моментов, практично целото внимание на светот е фокусирано на ситуацијата околу Иран и без разлика колку долго ќе траат непријателствата таму, мораме да бидеме подготвени да ја продолжиме дипломатијата во секој момент. Токму така работи украинскиот тим“, рече тој во видеообраќањето.
Our priority is to do everything to end the war. We will continue the diplomatic process when our American partners are ready to work as we agreed – bilateral formats with them, trilateral formats with Russia, as well as work with the Europeans. Right now, practically all of the… pic.twitter.com/GzQURjsz4g
— Volodymyr Zelenskyy / Володимир Зеленський (@ZelenskyyUa) March 5, 2026
Исто така, рече дека 200 Украинци се вратиле дома од руско заложништво. Се надева дека „размените ќе продолжат и во наредните денови“.
„Како и да е, Русија останува активна на линијата на фронтот и нападите продолжуваат“, рече тој.
