Градоначалникот на Скопје, Орце Ѓорѓиевски, денеска информираше дека официјално е започната постапката за набавка на повеќе од 40 нови специјализирани возила за ЈП „Комунална хигиена“.

„Со ова, во функција ќе бидат ставени над 40 современи и специјализирани возила кои секојдневно ќе се грижат за чистотата во сите скопски населби и улици“, напиша градоначалникот.

Тој информираше дека тендерската постапка што ја спроведува Министерството за транспорт во соработка со Светска банка е веќе распишана, а по завршување на сите правни процедури ќе започне и испораката на возилата.

Исто така, Ѓорѓиевски најави дека на денешната седница на Советот на Град Скопје ќе биде усвоена и програмата за „Комунална хигиена“, со која, како што вели, Градот ќе обезбеди уште повреќе од десет нови камиони за сопствени средства.