Градот Скопје заедно со градските јавни претпријатија и во координација со Oпштина Бутел започнаа со реализиција на големата пролетна работна акција на територија на оваа скопска општина.

– Екипите координирано од 26.04 до 29.04 ќе спроведуваат активности за рачно и машинско метење и миење на булеварите и улиците, дезинфекција на контејнерите, собирање кабаст отпад, санирање на оштетените коловози, обновување и поставување на сообраќајната сигнализација, садење нови садници и уредување на зеленилото, санации на пријавени дефекти и проблеми од граѓаните, целосно чистење на атмосферските и фекалните линии, како и прочистување на дождовните сливници на булеварите и на градските улици – објаснуваат од Општина Бутел од каде што ги информираат граѓаните дека на неколку локации ќе бидат поставени и пунктови за собирање на кабаст отпад.

Во големата пролетна работна акција во општина Бутел на терен координирано работат екипи на градските јавни претпријатија: Комунална хигиена, Паркови и зеленило, Водовод и канализација и Улици и патишта.