Ноќеска непознат напаѓач го потпалил со бензин џипот на градоначалникот на Шуто Оризари, Курто Дудуш, соопшти Министерството за внатрешни работи. Според информациите, возилото формално било во сопственост на сопругата на Дудуш.

„На 17.03.2026 во 03:50 часот во СВР Скопје е пријавено дека на подрачјето на Шуто Оризари било опожарено патничко возило „ренџ ровер“ со скопски регистарски ознаки, сопственост на Ф.О.(37) од Скопје. Според пријавеното, сопствениците на безбедносните камери забележале едно маскирано лице кое истурило течност на возилото, по што веднаш се запалило возилото. Повредени лица нема, а пожарот е изгаснат од екипа на Бригадата за противпожарна заштита Скопје“ соопшти МВР.

Курто Дудуш се сликал со најскапиот „Ајфон“ за да го промовира бројот 17 за изборите, а телефонот инаку не бил негов