Заклучокот на Советот на министри е апсолутна гаранција, октомври ќе биде октомври и нема да биде подоцна, ниту една земја не е против Северна Македонија, а преговорите со ЕУ ќе почнат во декември, одговори премиерот Зоран Заев на новинарско прашање поврзано со неофицијалните информации дека седум членки на Европската Унија биле против датум за преговори со Македонија и Албанија.

Според Антонио Милошоски, наводно против преговори со Македонија биле Франција, Холандија, Германија, Данска, Луксембург, Белгија и Шпанија. Тој тоа го објави на Твитер.

– Јас немам такви информации. Советот на министри нема можност да донесе таква одука без сите земји да бидат согласни. Добивме безусловена препорака, имаме блескав извештај, а во декемри ќе почнат преговорите со ЕУ – рече Заев.

Според неофицијалните информации, наводно само дванаесет членки на Советот на министри биле за преговори со Македонија: Полска, Унгарија, Словачка, Чешка, Италија, Словенија, Хрватска, Белгија, Романија Естонија, Латвија, Литванија.

На денешниот ЕУ Совет 7 членки биле против датум за преговори со МК и АЛ:
ФР, Холандија, Германија, Данска, Луксембург, Белгија и Шпанија.
12 членки биле за преговори: Полска, Унгарија, Словачка, Чешка, ИТ, СЛО, ХР, БГ, РО, ЕСТ, Латвија, Литванија.
Грција и другите воздржани! pic.twitter.com/9O3Y5jDcdV

— Antonio Macedonian (@AMiloshoski) June 18, 2019