Во топлите летни денови сите сме во потрага по ладно освежување. Идеално е кога тоа освежување е направено од природни состојки, како овој вкусен сорбет од манго.

За подготовка на сорбет од манго не ви е потребен шеќер, доволни се само три состојки: замрзнати коцки манго, малку сок од лимон и прстофат сол.

Ако не можете да најдете веќе замрзнат манго во продавница, можете сами да го подготвите. Исчистете го, исечете го на коцки, распоредете ги на плех и ставете ги во замрзнувач на три до пет часа, па потоа искористете ги.

Доколку имате замрзнат манго што нема природна слаткост, можете да додадете и малку мед, сируп од агава или јаворов сируп во смесата.

Потребни состојки:

• 800 г исчистен замрзнато манго
• 1 лажичка сок од лимон
• прстофат сол

Подготовка:

Ставете ги замрзнатите коцки манго во сечко или добар блендер, заедно со сокот од лимон и солта. Блендирајте или мешајте додека состојките не се соединат и не добиете густа, кремаста смеса.

Имајте на ум дека смесата прво ќе биде грутчеста, па зрнеста. Повремено запирајте го блендерот за да ја изгребете смесата од страните на садот.

Кога ќе стане мазна и без грутки, префрлете ја во сад за замрзнување и ставете ја во замрзнувач на неколку часа. Кога сте подготвени за сервирање, извадете со лажица дел од замрзнатиот сорбет.

На здравје!