За уште поубаво попладне – Направете си лимон колачиња
Состојки:
200 грама брашно
250 грама шеќер
2 јајца
2 супени лажици мед
малку цимет
20 грама рендана кора од лимон
1 прашок за печиво
150 грама шеќер во прав
3 лажици сок од лимон
Подготовка:
Сите потребни состојки за подготовка на овие колачиња ставете ги во подлабок сад и убаво измиксирајте ги. Кога смесата ќе стане компактна, исклучете го миксерот и прекријте ја добиената смеса со чиста кујнска крпа. Потоа оставете ја смесата да отстои околу еден час во фрижидер. Релативно мекото тесто, истурете го врз претходно посипана работна површина со остро брашно, а потоа со сукало развлечете кора со дебелина од 5 милиметри. Добиеното тесто, исечете го на крукчиња со помош на чаша.
Добиените колачиња наредете ги во соодветна тава за печење и ставете ги да се печат во претходно загреана рерна на 200 степени околу 15 минути.
Кога ќе помине потребното време а колачињата ќе добијат убава златна боја, извадете ги од рерна.
Откако колачињата ќе се изладат, прелијте ги со глазура што претходно сте ја подготвиле од сок од лимон и шеќер во прав.