За прв пат во историјата: Малиот хелихоптер „Ingenuity“ на НАСА ќе полета од Марс
Малиот хеликоптер наречен „Ingenuity“, кој пристигна на Марс склопен во роверот „Perseverance“, треба да полета на 11 април, соопшти НАСА.
„#МарсХеликоптерот се подготвува да направи нешто што никогаш порано не е направено:
контролиран лет на друга планета“, објавија од НАСА на „Твитер“.
This should be quite a sight. Don’t worry, I’ll have my cameras ready. ? #MarsHelicopter https://t.co/TDr7KZqbX0
— NASA's Perseverance Mars Rover (@NASAPersevere) April 1, 2021
Фотографиите направени со хеликоптерот и другите податоци ќе пристигнат на Земјата следниот ден, на 12 април, велат од НАСА.
Малиот хеликоптер, тежок 1,8 килограми, веќе го испрати својот прв извештај до контролниот центар во Калифорнија, по слетувањето на „Perseverance“.
„Ingenuity“ треба да полета од платформа со димензии од 10 на 10 метри. За време на летот, треба да достигне висина од околу три метри, да остане на едно место триесет секунди, да се сврти и да се врати на земјата.
We’re in the home stretch. The #MarsHelicopter has lowered all four legs and is in position to touch down on the Martian surface. Once it’s fully ready, @NASAPersevere will release it gently to the surface. https://t.co/TNCdXWcKWE pic.twitter.com/K3fqt2X2q3
— NASA JPL (@NASAJPL) March 31, 2021
Хеликоптерот се напојува со литиумски батерии и би требало да го оствари својот прв самостоен лет, пркосејќи им на екстремните услови на Марс: температури од минус 90 степени Целзиусови, мала гравитација и тенка атмосфера.
Роверот „Perseverance“, кој тежи околу еден тон и има големина на мал автомобил, слета на Марс во февруари по 480 милиони километри патување низ вселената, кое траеше скоро седум месеци.
Главната цел на двегодишната мисија на „Perseverance“ е потрагата по микробиолошки живот на Марс за кој научниците се сомневаат дека постоел пред три милијарди години, околу времето кога настанал животот на Земјата.