За многумина тој е единствениот Џејмс Бонд: Почина легендарниот Шон Конери

Во 91-та година од животот почина познатиот актер Шон Конери. Шкотскиот глумец и продуцент зад себе има кариера долга 50 години. Најпознат е по улогата на Џејмс Бонд – глумел во дури седум филмски адаптации.

Роден е во 1930 година како Томас Шон Конери, прво го одбрал името Шејн за свое сценско име, а подоцна „го вратил“ во Шон.

Шон Конери како дете / Фото: Принтскрин

Кога се родил, неговите родители – мајка му перела алишта, а татко му возел камиони, биле толку сиромашни што наместо да го ставаат во лулка, го ставале да спие во фиока. Како дете, тој одел на риболов во каналот користејќи ги старите најлони на мајка си, но подоцна во едно интервју изјавил дека никогаш не дозволил „смирениот почеток да го задржи во животот“.

Тој ја именувал својата производствена компанија по родниот град Фонтајнбриџ во Шкотска.

На 13-годишна возраст, се откажал од училиштето и работел разни работи – дистрибуирал весници, млеко и млечни производи и му бил чирак на локалниот месар.

Шон Конери во периодот кога служел во морнарицата / Фото: Принтскрин

Конери служел во Кралската морнарица три години, кон крајот на 40-тите години, а потоа направил две тетоважи. На едната пишува „Шкотска засекогаш“, а на другата „Мама и тато“. Ја напуштил морнарицата поради болни чирови на желудникот.

После тоа, полирал ковчези, испорачувал јаглен, работел во печатница, позирал за сликање и бил дури и чувар на плажа.

Шон Конери работел како модел во младоста / Фото: Принтскрин

По напуштањето на училиштето, основал добротворен фонд за да обезбеди стипендии за сиромашните шкотски деца.

Шон ги донирал сите хонорари од филмот „Робин Худ: Принц на крадците“ на таа хуманитарна организација, а подоцна истото го сторил и со платата од филмот „Дијамантите се вечни“.

Прочитајте и...  Последното интервју на Марадона: Не знам дали луѓето и понатаму ќе ме сакаат

Во 1953 година, Шон влезе во конкуренција за г-дин Универзум, и заврши како „втор вицешампион“ во конкуренцијата за високи мажи.

Една од неговите први улоги беше во филмот „Уште едно време, друго место“, каде што глумеше заедно со фамозната Лана Тарнер. Нејзиното љубоморно момче Џони направило сцена и му се заканило со пиштол на Шон, затоа што мислел дека има нешто помеѓу него и Лана. Шон морал да се крие после тоа, затоа што еден од пријателите на Џони го информирал дека Џони наредил за да го убијат!

Конери скоро го загубил животот на сетот на филмот „Од Русија со љубов“, затоа што хеликоптерот на сетот летал веднаш над него и скоро го обезглавил, буквално!

Бил повреден на снимањето на „Никогаш не кажувај никогаш“, бидејќи Стивен Сигал случајно му го скршил зглобот додека му покажувал боречки вештини.

Актерот ја постигна својата најголема слава како тајниот агент Џејмс Бонд, а таа улога ја добил, како што пишуваа странските медиуми, не толку поради неговите актерски способности, туку поради фактот дека неговата „секси, пантерска прошетка“ ги воодушевила продуцентите.

На авторот на приказната за Бонд, Иан Флеминг, не му се допаднал Конери, бидејќи сметал дека изгледа „сурово“, но подоцна се предомислил.

Режисерот Теренс Јанг, кој го ангажирал за филмот „Доктор Не“, помислил дека ќе му треба малку „образование“ кога станува збор за стилот, па му купил фенси костум и го носел низ градот цела недела за да пијат заедно и да се коцкаат.

Прочитајте и...  Кој е Антони Блинкен, човекот кој ќе ја предводи најмоќната светска дипломатија

Во сите филмови на Бонд, Шон Конери носел перика затоа што почнал да ја губи косата на 21-годишна возраст.

Од другите Бонд-актери, тој најмногу ги сака Пирс Броснан и Даниел Крег, а најмалку Тимоти Далтон.

Неговиот омилен филм за Бонд е „Од Русија со љубов“, а ја напуштил мега-популарната франшиза затоа што веќе не можел да ги издржи специјалните ефекти, дијалозите што се повторуваат од филм до филм и опсесијата на јавноста со неговиот лик и дело.

Тој го играше Џејмс Бонд во седум филмови.

Конери никогаш не престена да го обожава фудбалот
Фото: EPA/Guido Manuilo

Шон Конери беше обожавател на Селтик и во младоста имал можност да игра за Манчестер јунајтед, но одбил да стане професионален фудбалер бидејќи сметал дека е премногу нестабилен за работата.

Фудбалската приказна за Шон Конери: Го одби Манчестер јунајтед и славниот Безби за да стане омилениот Џејмс Бонд

Можеби не сте знаеле дека Конери страсно пишуваше поезија, но не дозволуваше никој да ја чита!

Шон Конери во традиционална облека со сопругата Мишел на гласање за прогласување на независност на Шкотска / Фото: EPA/Rui_Vieira

Тој беше голем донатор на Шкотската национална партија и одбиваше да се врати во Шкотска сè додека не стане независна. Поради тој став, владата двапати ги блокираше напорите на круната да му ја додели титулата витез, но тој конечно беше прогласен за витез во 2002 година.

Прочитајте и...  Одбиена жалбата на Џони Деп во случајот против списанието „Сан“
Најголемата љубов на Шон Конери е Шведска, па неговите родители / Фото: EPA/MATTHEW CAVANAUGH For editorial use only!

Ние ги знаеме улогите што тој ги играл, но еве неколку кои ги одбил или не можел да ги постигне. Му била понудена улога во „Моите песни, моите соништа“, тогаш требало да игра во „Авантурите на Барон Мункеузен“, но не му се допаднало сценариото. Тој ја одбил улогата на Гандалф во „Господарот на прстените“ затоа што мразел да биде повеќе месеци преселен во Австралија.

Шон Конери ја поздравува публиката на Европскиот Филмски Фестивал во Берлин / Фото: EPA-EFE/MARCUS BRANDT/POOL GERMANY OUT

Двапати бил повикан да биде во серијалот „Матрикс“, но и двапати го одбил тоа затоа што „воопшто не му било јасно за што станува збор“.

Конери не жалел за многу од овие улоги, но еднаш изјави дека е тажен затоа што ја одбил главната улога во филмот „Аферата Томас Краун“. Главната улога во римејкот ја имаше уште еден Бонд – Пирс Броснан.

Шон Конери во 2005 / Фото: EPA-EFE/MARCUS BRANDT GERMANY OUT

На возраст од скоро 60 години, „People“ го прогласија за најсекси маж на светот во 1989 година. И повторно во 1999 година!

Името Шон Конери секогаш инспирира на неверојатен шарм и харизма. Сите мажи сакаа да бидат како него, а секоја жена сакаше да го освои неговото срце. Меѓутоа, само една жена знаеше како се заведува Шон Конери. Француската уметница Мишелин Рокуебруне Конери доби џекпот кога се омажи за Шон Конери. Нивната љубов трае повеќе од 40 години.

„Себичната љубов“ на Шон Конери: Си ги уништиле браковите за да бидат заедно

Почивај во мир, Шон Конери!

инстаграм

Поврзани вести

Каква тајна Кејт Мидлтон и принцот Вилијам со години кријат од својот првороден син – принцот Џорџ?

Слободен Печат

Храна што ја елиминира кандидата

Слободен печат

Свршеникот на Џенифер Лопез сподели интимни моменти од Денот на благодарноста

Слободен Печат

ВИДЕО+ФОТО | Шекеринска: Не сакаме да бидеме заложници на темните страни на балканската историја

Слободен печат

Одбиена жалбата на Џони Деп во случајот против списанието „Сан“

Слободен печат

Васко Серафимов и Златан Миливојевиќ со заедничка нова нумера, слушнете ја (ВИДЕО)

Слободен печат

Остави Коментар

MacedonianAlbanianBulgarian