Вучиќ: Јас не ја напаѓам ЕУ, само не ми се зборува со оние што сакаат да ја уништат Србија
Претседателот на Србија, Александар Вучиќ, се обрати по состанокот со францускиот министер за Европа и надворешни работи, Жан-Ноел Баро, и изјави дека најмногу разговарале за билатералната соработка. Притоа, тој го спомена и Тонино Пицула, известувачот на Европскиот парламент за Србија, нагласувајќи дека го „бојкотира“, објави „Нова“.
Препорачано
.Вучиќ додаде и дека „не ја напаѓа ЕУ, туку ја брани Србија“ и повтори дека „не сака да разговара со оние кои сакаат уништување на Србија“.
— Јас не ја напаѓам ЕУ, туку само ја бранам Србија. Сите во Европа знаат дека го бојкотирам Тонино Пицула и сличните на него. Со таквите не сакам да разговарам, и не се срамам од тоа, со оние кои сакаат уништување на Србија. Од изјавите на Пицула знаеме дека тој тоа го прави. Ниту нè прашаа дали сме поканети, ниту комуницираа со нас за датумите. Тоа го закажувале пред еден месец. Јас пред пет месеци имав договорено во Давос. Зошто не нè прашавте и не покажавте барем елементарно почитување? Вие тоа не го сакате, туку сакате да кажете – тие не сакаат дијалог. Ние сме на европскиот пат, но моја работа е да не дозволам да бидеме понижувани — рече, меѓу другото, Вучиќ.
„Доаѓаат непоканети, не сакам да ги видам“, порача Вучиќ за најавената посета на европратениците
Како што наведе тој, европратениците доаѓаат „за да напишат уште една декларација“.
— Празна приказна, не е многу важно, но да не потценувам никого. Знаете ли колку важни работи имаме — изјави Вучиќ.
Говорејќи за тоа до каде е Србија на патот кон европските интеграции, тој рече дека ја повикува Ана Брнабиќ „да се обиде процесот да го направи поинклузивен“.
Тонино Пицула претходно ги демантираше Александар Вучиќ и претседателката на Собранието Ана Брнабиќ, велејќи дека не е вистина оти делегацијата на Европскиот парламент доаѓа ненајавено, како и дека за посетата била информирана Амбасадата на Република Србија во Брисел, а на самата програма работела и делегацијата на ЕУ во Белград. Тој додаде дека Вучиќ отворено одбил дијалог за европската иднина на Западен Балкан и Србија, како што било и на неодамнешниот самит ЕУ – Западен Балкан во Брисел.
Пратеникот на партијата СРЦЕ, Стефан Јањиќ, изјави дека „Брнабиќ и Вучиќ ја излажале јавноста“. По ова, Брнабиќ призна дека власта сепак била информирана за доаѓањето на мисијата на Европскиот парламент.
„Доаѓаат непоканети, не сакам да ги видам“, порача Вучиќ за најавената посета на европратениците
