Полицијата вечерва на повеќе места, меѓу кои и во скопското село Батинци, интензивно бара бегалец за кој МВР открива само дека е осомничен за тешки кривични дела, објави „Телма“.

Батинци е родното село на Џавит Муса, член на озлогласената наркобанда „Беланоца“, кој изврши две убиства и двапати ѝ избега на полицијата.

„По претходно добиена информација, надлежни полициски служби при МВР денеска делуваа на подрачјето на Скопје, со цел лишување од слобода на лице, по кое е распишана национална и меѓународна потерница за тешки кривични дела. Активностите продолжуваат на терен со цел пронаоѓање и лишување од слобода на лицето од висок интерес“, велат од МВР за „Телма“.

Муса, кој беше баран и за претходно убиство, лани во јули смртно застрела негов соселанец, офицер во АРМ, поради тоа што наводно не сакал да му ја даде ќерката, која насилно се обидувал да ја натера да се омажи за него.

Убиецот кој застрела припадник на АРМ зашто не ја давал ќерката за него, најверојатно избегал од земјава