Широка осуда предизвика нападот снимен на улица во Ерусалим а каде повредена е калуѓерка на Католичката црква. Таа била археолошки истражувач во Ерусалим и потекнувала од Франција. Израелското Министерство за надворешни работи со згрозеност го осуди овој срамен чин.

На видеото, маж трча зад калуѓерката додека таа оди по улица и ја турка со сила, така што жртвата паѓа на главата врз камената површина. Откако се оддалечува неколку чекори, напаѓачот,  се враќа да ја шутне калуѓерката додека таа лежи на земјата и запира само откога ќе интервенира минувач, пишува Гардијан.

Калуѓерката претрпела повреди на лицето, но не е пријавено дека е сериозно повредена. Израелската полиција соопшти дека уапсила 36-годишен маж и рече дека полицијата „ќе продолжи да дејствува со строга рака и нулта толеранција со цел да го зачува и одржи правилниот и безбеден животен стил за сите етнички групи и религии во градот Ерусалим“.