Натпреварот од полуфиналниот бараж натпревар за пласман на Светското првенство во Катар помеѓу Шкотска и Украина кој требаше да се игра на 24 март е одложен, потврди претседателот на УЕФА, Александер Чеферин. Причина за одложување на натпреварот е војната во Украина.

Чеферин најави дека натпреварот сигурно нема да биде одигран до јуни што значи дека до лето нема да бидат познати сите учесници на Светското првенство во Катар. Украина и Шкотска се наоѓаат во групата А во бараж групата заедно со Велс и Австрија.

Во баражот за пласман на СП во Катар ќе настапи и Македонија која на 24 март и гостува на Италија. Победникот од тој дуел на 29 март ќе игра со победникот од натпреварот помеѓу Португалија и Турција по што ќе биде познат патникот на Мундијалот од групата Ц.