Во Велика Британија пронајдени остатоци од морски црв стар 425 милиони години
![](https://www.slobodenpecat.mk/wp-content/uploads/2024/05/QDzfvzgh.jpg)
Остатоци од праисториски морски црв стар 425 милиони години се откопани во британското село Лентвардин.
Научниците веруваат дека овој црв (Radnorscolex latus) живеел на дното на океанот пред 425 милиони години, кога Британските острови биле под вода, пишува „Гардијан“.
Remnants of prehistoric marine worm unearthed in Herefordshire https://t.co/oYj3vXsrg4
— Richie Howard (@Ecdysozoan) May 23, 2024
Анализата на остатоците покажува дека црвот имал грло што можело да се испакнува за да фати храна на дното на океанот, а според Ричи Хауард од Природонаучниот музеј во Лондон, црвот наликува на џиновските црви од познатиот холивудски филм. „Дина“.
„Мислиме дека тие не биле многу пребирливи кога станува збор за хранење и веројатно си го заглавувале грлото во калта и грабнувале сѐ што ќе најдат“, рече Хауард.
Овој црв, кој веројатно пораснал до максимална должина од осум сантиметри, имал повеќе редови остри заби и еден вид кука на главата, со кои се држел на земја и се движи.