На музичкиот фестивал во Израел на 7 октомври, Хамас уби повеќе од 360 луѓе, а не 260 како што првично беше објавено, покажа полициската истрага, објави денеска „Тајмс оф Израел“.

Според извештаите, тоа е речиси една третина од 1.200 убиени за време на упадот на Хамас.

На фестивалот имало околу 4.000 луѓе, а од таму биле киднапирани околу 40 заложници.

Израелскиот Канал 12 во петокот објави дека проценката на безбедносните служби е дека Хамас пред масакрот не знаел дека таму се одржува музички фестивал.