ВМРО-ДПМНЕ: Темата корона Филипче ја користи за ПР и себепромоција иако резултатите се поразителни
Наместо Венко Филипче да дава апели со граѓаните, граѓаните апелираат до Филипче сериозно да ја сфати улогата и да превземе мерки против корона заразата, реагираат од опозициската партија ВМРО-ДПМНЕ на вечерашното гостување на актуелниот министер за здравство Венко Филипче.
-Корона заразата премина во фијаско и државата споредено со сите околни земји убедливо најлошо се справува со короната. Филипче, Заев и Спасовски беше триото кое прогласи победа против пандемијата која од тогаш до сега одзема стотици животи. Наместо ПР Филипче преку државните механизми да превземе мерки за ублажување на последиците. Темата корона Филипче исто како и Заев ја користи за ПР и себепромоција иако резултатите се поразителни- наведуваат од ВМРО-ДПМНЕ.
Филипче е во право, потенцираат оттаму, кога вели дека вирусот не познава возрасни граници, но воедно и популизмот и неспособноста на Филипче исто не познаваат граници.