Владата најавува „големо шоу“ на 8 септември, кога во нејзина организација, на стадионот „Тоше Проески“ во Скопје ќе се одбележат 35 години од независноста на земјата.

Марија Митева, портпаролката на Владата, најави дека годинава, по повод јубилејната годишнина од независноста на Македонија, ќе биде организирана „голема национална културна манифестација“ со повеќе настани низ државата.

Според Митева и претставниците на „Авалон“, централниот настан на одбележувањето ќе биде настапот на светски познатиот диџеј Дејвид Гета. Митева додаде дека јубилејот претставува историска точка што, како што рече, „обврзува на достоинствено и современо претставување на државата преку културата, уметноста и националниот израз“.

„Мојата основна идеја беше дека ако славиме, треба да славиме. Ако е бал, треба да биде маскенбал. Без сериозна конкуренција, најголемото шоу на европски артист оваа година се вика ‘David Guetta Full Monolith Stadium Show’. Од музички, а особено од продукциски аспект, ова е нешто досега невидено во европски рамки, а можам да кажам и во светски рамки. И ние се потрудивме истото тоа шоу да го видиме и во Скопје на 8 септември“, рече Милошески.

Спeктaклот во Арената „Тодор Проески“ ќе биде бесплатен јавен настан со регистрација за симболична цена од 35 денари по човек, број кој директно асоцира на годинешниот државен јубилеј, со цел запазување на капацитетот на стадионот.

Секој корисник ќе биде ограничен на максимум 2 влезници, а дозволена ќе биде и регистрација од останатите држави.