Вкусни приказни со Кристина Колевски: Рецепт за пилешко во сос од бадеми
Во време кога сите брзаме и често готвиме „набрзина“, убаво е да се потсетиме дека подготовката на храната може да биде и вистинско уживање.
Препорачано
Токму така готви и Кристина Колевски од Битола – со вистински мерак и љубов кон целиот процес. Преку својот инстаграм-профил @solenoblagiprikazni, таа веќе подолго време ги инспирира луѓето да влезат во кујна, да си дадат време и да зготват нешто вкусно.
Денеска таа ни го претставува својот рецепт за пилешко во сос од бадеми.
Потребни состојки:
- 300 гр пилешки стек
- 40 гр бадеми толчени или сецкани
- 300 мл неутрална павлака
- 1/2 лажиче ѓумбир во прав
- сол, црн бибер
Подготовка:
Исечете го пилешкиот стек, посолен и зачинет, на парчиња и испечете го на грил тава.
Во друга тава, кратко потпечете ги бадемите (кршени или сецкани). Потоа додадете ја неутралната павлака, посолете и зачинете. За крај, додадете го печениот пилешки стек во сосот.
Послужете и уживајте!
На здравје!
