Фудбалерот на Јувентус, Блез Матуиди е позитивен на Ковид-19, соопшти денеска клубот од Торино.

Францускиот играч за врска е вториот фудбалер од италијанскот шампион кој е заразен, после Даниеле Ругани, а само уште еден во низата од клубовите во Серија А.

Матуиди е 12 играч позитивен на Ковид-19 во Серија А , а освен Ругани, на оваа листа се уште седум фудбалери на Сампдорија (Габиадини, Екдал, Ла Гумина, Торсби, Коли, Депаоли, Берешински) и уште тројца од Фиорентина (Влаховиќ, Кутроне, Пецела).

Second player tested positive for COVID-19https://t.co/y1c3b62lCE pic.twitter.com/gr6rNQrZfB

— JuventusFC (@juventusfcen) March 17, 2020

Sono 12 i giocatori in serie A colpiti da #COVID19 #coronavirus 2 JUVENTUS
Rugani – Matuidi

7 SAMPDORIA
Gabbiadini – Ekdal – La Gumina – Thorsby – Colley – Depaoli – Bereszynsky

3 FIORENTINA
Vlahovic – Cutrone – Pezzella pic.twitter.com/Xnp3KQgzr3

— maurizio guidotti (@sportamericani) March 17, 2020

Иако Јувентус сите членови ги испрати во изолација, кога беше откриено дека Ругани има коронавирус, тоа не го спречи понатамошното ширење на вирусот во тимот на Маурицио Сари.

– Блез Матуиди ги помина медицинските тестови што покажаа дека е позитивен на вирусот Ковид-19. Фудбалерот е во изолација во својот дом од среда, 11 март. Неговата состојба ќе се следи внимателно во наредните денови. Тој е добар и досега нема никакви симптоми карактеристични за короната – велат од Јувентус во своето соопштение.

Сезонава во Серија А играчот на Јуве имаше 23 одиграни натпревари, а ја поминува своја трета година во дресот на „Старата дама“.

Во текот на вчерашниот ден шпанскиот клуб Валенсија објави дека скоро третина од екипата е позитивна на Ковид-19.