Валенсија уште минатата недела соопшти дека има пет позитивни на Ковид-19, но тој број во меѓувреме се зголеми.

Вечерва нови лоши вести доаѓаат од клубот од „Местаља“, односно нови членови на екипата и стручниот штаб се позитивни на коронавирусот.

Откако во текот на викендот беше соопштено дека заразени се Гарај (прв заразен играч во „Ла Лига“), Гаја и Мангала, и двајца членови на стручниот штаб, Валенсија сега објави ново соопштение во кое се вели дека денешните тестови потврдија уште позитивни тестови на коронавирусот и дека дури 35% од нив сега се заразени!

Тука не се во прашање само играчите, туку и стручниот штаб, па така една третина од нив мора да оди во изолација и се следат препокарите.

COMUNICADO OFICIAL ⤵️

? https://t.co/5WeiVEPE8U#QuédateEnCasa #EsteVirusLoParamosUnidos pic.twitter.com/x1ugWy6Ker

— Valencia CF ?? (@valenciacf) March 16, 2020

Клубот од „Местаља“ потврди дека ниту еден од горенаведените нема никакви симптоми, но сите ќе треба да поминат најмалку две недели во изолација.

Не е познато како се заразија, но се смета дека најризично беше патувањето во Милано на првиот меч од осминафиналето во Лигата на шампионите против Аталанта.

Потврдено е дека позитивен тест имаат двајца членови на лекарскиот тим кој патуваше во Италија, односно има девет нови заразени членови на сениорскиот клуб и вработените кои се поврзани со него.

Досега најзаразена екипа во Европа беше италијанската Сампдорија со седум позитивни, но сега тоа е Валенсија.