Вирусологот Ана Глигиќ: Може да се случи коронавирусот да прерасне во сезонска болест
Д-р Ана Глигиќ е меѓународно признат вирусолог која пикот на кариерата го доживеала во време на епидемијата на малите сипаници во Србија. Иако е одамна во пензија д-р Глигиќ ја следи работата на помладите колеги и сигурно е една од најспособните да го објасни вирусот на нашата генерација – коронавирусот Ковид-19.
– Овој вирус се наоѓа во природата и кога човекот излегува во потрага за храна или ресурси, тој влегува во природното жариште и така го нарушува еколошкиот баланс. Така, според последните истражувања на кинеските експерти е откриено дека коронавирусот е 96 отсто идентичен со оној кој го имаат лилјаците. Овој вирус има потенцијал да се шири во воздухот, а тоа е најлесен и најбрз пат за пренесување, објаснува д-р Глигиќ за создавањето на коронавирусот на Н1.
Таа додава дека овој вирус експертите не ги загрижува заради стапката на смртност, туку заради брзината на ширење и начинот на кој што го оптерети здравството, а на крајот и светската економија.
Д-р Глигиќ вели дека по нејзино мислење најголем проблем е тоа што за вирусот многу малку се знае, а тоа го забавува и пронаоѓањето на вакцина. Таа додава дека се уште не се знае прецизни ниту инкубациониот период кај овој вирус, а за тоа време асимптомските пациенти можат да ја шират заразата.
– Може да се случи ова да прерасне во сезонска болест, бидејќи изворот на оваа инфекција е во природата и тоа не можеме да го контролираме. Сега треба да собереме што е можно повеќе примероци и да ги тестираме има ли имунитет на овој вирус. Односно дали се создаваат антитела после него, и најважно дали тие штитат. Потоа можеме да ја користиме крвната плазма на излечените луѓе за лечење на другите пациенти, вели докторката.
Таа на крајот потсетила на придржување на мерките, но и кога можеме да ја очекуваме вакцината.
– Избегнувајте секаков вид на контакт. Вакви природни инфекции најтешко е да се искоренат и без вакцини ова може навистина да порасне во сезонска болест, а мојата проценка е дека добра вакцина можеме да очекуваме за 18 месеци. Најмалку една година, заклучува д-р Глигиќ