Викторија Спенџарска Стин е мајка на слатките Љубљана и Емона, активист во неколку невладини организации и поборник за здрав начин на живот.

Викторија Спенџарска Стин ни подготви розов хумус: Лесен, вкусен и многу хранлив!

Оваа прекрасна жена стои зад инстаграм-профилот @vegan_viki_, кој ќе ве освои од прва со шаренилото и веднаш ќе посакате да рекреирате некој од нејзините здрави рецепти.

Денес Викторија споделува рецепт за сирови чизкејк колачи со боровинки. Изненадете ги најблиските со овој вкусен, здрав и нутритивен десерт.

Потребни состојки:

За основата:
– 10 урми
– 30 г хељда
– 30 г бадеми

За кремот:
– 200 г индиски ореви
– 2 лажици агаве или засладувач по желба
– 1/3 конзерва кокосово млеко
– 4 лажици боровинки

 

View this post on Instagram

 

A post shared by Viktorija Spendjarska Steen (@vegan_viki_)

Начин на подготовка:

Ставете ги бадемите и хељдата во блендер и мелете ги на ситно, а потоа додадете ги и урмите. Распоредете
ја смесата во калапи за мафини и ставете ја во замрзнувач додека го подготвувате кремот. Ставете ги сите состојки во блендер, освен боровинките, и мешајте ги сѐ додека не добиете кремаста смеса. Истурете ја половина од смесата врз основата и вратете ја во замрзнувач. Додајте ги боровинките (претходно одмрзнати, без течноста) во другата половина и мешајте во блендер. Дополнете ги калапите и вратете ги во замрзнувач минимум 2 часа, за да се стегнат убаво. Декорирајте по желба.