Викторија Спенџарска Стин ни подготви розов хумус: Лесен, вкусен и многу хранлив!
Викторија Спенџарска Стин е мајка на слатките Љубљана и Емона, активист во неколку невладини организации и поборник за здрав начин на живот.
Оваа прекрасна жена стои зад инстаграм-профилот @vegan_viki_, кој ќе ве освои од прва со шаренилото и веднаш ќе посакате да рекреирате некој од нејзините здрави рецепти.
Викторија Спенџарска Стин ни носи несекојдневен десерт: Чизкејк со лимета и зелена мача
Викторија со сите вас споделува рецепт за хумус со кој ќе внесете малку боја на вашата трпеза и да ги израдувате вашите најблиски.
„Обожавам хумус и го правам доста често зошто е лесен, вкусен и многу хранлив, а еден од моите омилени вариации е оној со цвекло. Се прави исто како традиционалниот хумус но се додава и печено или варено цвекло, а сега додадов и малку потпечен сусам за шмек“, вели таа.
Потребни состојки:
-100 гр сварен наут
-1 цвекло со средна големина
-сок од еден лимон
-2 чешниња лук
-50 гр потпечен сусам
-1 супена лажица таан
-1 супена лажица маслиново масло
-1 кафена лажичка кумин
-сол и бибер по желба
View this post on Instagram
Подготовка:
Ставете ги сите состојки во блендер и пулсирајте додека не ја добиете посакуваната текстура. Ако го сакате повеќе мазен додадете малку вода или пак сок од лимон. Сервирајте со потпечено лепче, авокадо и магдонос. Јас секогаш солта ја додавам на крај. Како вие го сакате хумусот?