Викторија и Дејвид Бекам од коронавирусот се кријат во карантин вреден 6,7 милиони евра (ФОТО)
Дејвид и Викторија Бекам во моментот се наоѓаат во самоизолација со своите деца во Англија…
Поранешната фудбалска ѕвезда Дејвид Бекам (44) и неговата сопруга и модна дизајнерка Викторија Бекам (45) се сместени во луксузниот дом за време на карантинот поради пандемијата на коронавирусот.
Последните недели неодоливите членови на ова семејство, Ромео (17), Круз (15) и Харпер (8) го документираа нивниот престој во вилата од 6,7 милиони евра.
Нивниот најстар син Бруклин (21) е во самоизолација со својата девојка Никола Пелц (24) во Америка, додека останатите деца се со родителите во Англија.
Тие со фановите на Инстаграм споделија фотографии на кои експериментираат во кујната, играат во дворот, а Дејвид дури и ја избричи гавата на крајот на минатата недела и сето тоа го забележа со камера.
Како што времето во Британија е се потопло, Бекамови можат конечно да го искористат својот голем двор пред вилата во кој имаат и базен, естонска сауна и парна бања.
Што се однесува на дневната соба, внатре има дрвени греди кои одат преку таванот, темни теписи на коцки, многу свеќи и огромен камин кој дава ефект на релаксирачки амбиент.
Во другата одлично стилски опремена просторија се наоѓа и домашното кино, со седишта кои се навалуваат, со држачи за пуканки и пригушено светло.
Круз има свој клавир во собата, а другите деца на социјалните мрежи неодамна споделија како возат квадови.
Како и повеќето семејства ширум земјата, Дејвид и Викторија ја преземаа обврската да ги образуваат своите деца во домот за време на карантинот и им се придружија на останатите познати личности кои ги советуваат сите да останат дома со цел да го спасат својот и животот на другите.