Мовембер е глобално движење кое има за цел да ја подигне свеста за машкото здравје, особено кога станува збор за превенција на рак на простата, рак на тестиси, но и за менталното здравје на мажите. Секоја година, во ноември, мажите ширум светот растат мустаќи за да ја привлечат вниманието на оваа важна тема. Но, што точно значи  Мовембер за луѓето во Македонија?

Нашата екипа застана во центарот на градот да анкетира различни граѓани за нивните ставови и мислења на оваа тема.

Повеќето беа информирани за терминот Мовемвер, но, не го знаеа неговото значење.

– „Мислам дека тоа е месец за машкото здравје, особено за рак на простата.“  објаснува една случајна минувачка која беше информирана за ова движење.

За подигнувањето на свеста за машкото здравје повеќето сметаат дека треба да се вклучи здравствениот систем и да се прават кампањи за редовни прегледи и самоконтроли, како и да вежбаат и да се хранат здраво.

-Потребна е поголема едукација и свест за важноста на здравјето на мажите, особено за превентивата и редовните прегледи. вели еден постар господин за „Слободен печат“.