Никол Кидман ја игра главната улога на докторката Кеј Скарпета во серијата „Сарпета“ (Scarpetta), адаптација на популарните криминалистички романи на Патриша Корнвел. Таа ја толкува брилијантната главна судско-медицинска истражителка, решена да разоткрие сериски убиец и да докаже дека случајот кој ѝ ја обележал кариерата пред 28 години нема да стане и нешто што ќе ја уништи.

Џејми Ли Кертис ја игра нејзината намќореста и необична сестра Дороти Фаринели.

Приказната ја следи Скарпета од нејзината работа во канцеларијата од 90-тите години, па сè до денес, кога се враќа во родниот град за повторно да ја преземе старата позиција и да истражи брутално убиство.

Гостувајќи кај Џими Фелон, Никол Кидман откри дека за потребите на улогата научила како да направи обдукција.

„Знам да ги извадам сите органи. Можам и да ги именувам“, изјави актерката и додаде дека е благодарна што имала можност да учи со искусен судско-медицински експерт и детално да ги проучи сите процедури.

Таа објасни дека брзо ја совладала анатомијата и техниките бидејќи тоа е „дел од работата“, па од серијата научила како да ги отстрани белите дробови, црниот дроб, жолчното ќесе и цревата.