ВИДЕО: Жињак за полуфинале на Тигрес на Светското клупско првенство!
Фудбалерите на мексиканскиот Тигрес се пласираа во полуфиналето на Светското клупско првенство во Катар.
Тигрес после пресврт го елиминираше Улсан со 2:1 во Ал Рајан, откако корејскиот клуб водеше од 24 минута со голот на Ки-Хе Ким.
Францускиот напаѓач Андре-Пјер Жињак направи целосен пресврт за триумф со головите во 38 и од пенал во 45 минута. Тигрес во полуфиналето ќе игра против бразилската екипа на Палмеираш.
Вториот полуфинален дуел ќе биде познат по натпреварот помеѓу домашниот Ал Духаил и Ал Ахли од Египет. Победникот од тој дуел ќе игра со победникот во европската Лига на шампионите, Баерн Минхен.
Полуфиналето ќе се игра на 7 и 8 февруари, додека финалето е закажано за 11-ти на новиот стадион изграден за Светското првенство.