ВИДЕО | Жена се породи во авион пред очите на шокираните патници
Набргу откако се качила на меѓународен лет на почетокот на овој месец, бремена жена била принудена да се породи во авионот, пишува „Њујорк пост“.
Патниците аплаудирале во авионот на „Pegasus Airlines“ кој требал да лета од Истанбул за Марсеј, Франција, додека болничарите на меѓународниот аеродром Сабиха Гокчен брзале за да ѝ помогнат на жената, која го родила своето дете неколку моменти пред полетувањето.
Во видеото се гледа како патниците се поткреваат од седиштата за да видат што се случува, додека болничкиот персонал ѝ помагал на патничката да го донесе на свет своето бебе. Еден патник дури и собирал бебешка облека од други патници за да ѝ ги даде како подарок на мајката за детето.
Според извештаите , трудницата почнала да чувствува интензивни породилни болки додека екипажот на летот ги правел последните подготовки за полетување.
Стјуардесите ѝ пружиле прва помош на жената пред да ја преместат во задниот дел од авионот за породување.
Болничар го изнел повиеното новороденче од авионот, а тоа потоа со возило на брза помош било однесено во блиската болница за понатамошна нега.
Интересно е што овој настан се случил на денот кога авиокомпанијата го пуштила во употреба својот 100-ти авион по повод 100-годишнината од формирањето на Турската Република.