Алекс Адетокумбо го имаше својот деби настап за Милвоки во триумфот над Далас, а на тој начин испиша и историја во најсилната кошаркарска лига во светот.

24-годишниот кошаркар доби скромна минутажа од три минути, но успеа да постигне три поени, што беше негов прв настап сезонава за тимот од Милвоки. Со неговото вклучување во ростерот, за првпат се случи тројца браќа да бидат дел од ист НБА состав. Иако Алекс, Танасис и Јанис не беа заедно на теренот на овој натпревар, самиот факт што најмладиот од браќата доби шанса значи дека официјално е дел од тимот.

„Сега можам да се пензионирам. Сè направив“, се пошегува Јанис во моментите кога неговиот брат ги реализираше слободните фрлања.

„Неверојатно е. Да ги гледам моите браќа како ме поддржуваат и водат… Сонував за ваков момент и конечно го доживеав. Сонот ми се оствари. Јас пораснав во Милвоки и ова што се случи е навистина лудо. Не можам ни да избројам колку натпревари на Бакс имам изгледано“, додаде Алекс.

Proud older brother moment. 💚 pic.twitter.com/T2upVpU0nq

— Milwaukee Bucks (@Bucks) April 1, 2026