Повозрасна жена денеска околу 13 часот била удрена од автомобил на пешачки премин во строгиот центар на Скопје, кај Градскиот трговски центар и паркот „Жена борец“, објави телевизијата „21“, заедно со снимка направена откако на местото пристигнала Брзата помош.

Од МВР за „Фокус“ ја потврдија информацијата.

„На 21.05.2026 во 13:09 часот во СВР Скопје е пријавено дека на ул.„Филип Втори Македонски“ во Скопје, патничко возило „шкода“ со скопски регистарски ознаки удрило во пешак. Увидот е во тек“, велат од полицијата.

Засега нема информации за возраста на повредената жена, како ни за нејзината здравствена состојба.