ВИДЕО: У21 надежите започнаа со убедлив пораз од Франција во Ле Ман
Македонската млада репрезентација за играчи до 21 година денеска во својот прв натпревар стартуваше со пораз во Ле Ман од репрезентацијата на Франција во рамките од квалификациската група „Х“ за пласман на Европското првенство 2023.
Стрелци на головите за „триколорите“ беа Мбуку во 26 минута, предноста ја зголеми новиот член на Реал Мадрид, Камавинга во 50 минута.
Конечниот епилог беше поставен во самиот финиш од средбата преку Калулу (89`). Сите голови од натпреварот можете да ги погледнете ТУКА
У21 Македонија: Денковски, Јанкулов, Ѓурковски, Божиновски, Антовски (Шеји 75`), Гроздановски (Скендери 69`), Елези, Фазлагиќ (Адем 84`), Воша (Ферати 68`), Чолаковски, Илиевски (Максимов 46`).
Избраниците на селекторот Драги Канатларовски шанса за освојување на првите бодови ќе имаат на 7 септември во Охрид на стадионот „Билјанини Извори“.