Модерните пегли имаат „паметни“ плочи кои се прилагодуваат на секоја ткаенина, а на малку постарите модели потребно е да ја менувате јачината на температурата, што често завршува со тврдокорни, загорени дамки.

Темните наслаги кои настануваат на плочата од пеглата ги уништуваат влакната на ткаенината на која остануваат загорени дамки.

Меѓутоа, таквата пегла не треба да ја фрлате – постои едноставен, брз и многу практичен и делотворен трик кој ќе ги отстрани и најтврдокорните наслаги од дното на пеглата.

Се што ви е потребно е обична таблета парацетамол и вашата пегла ќе биде како нова.

За спасување на пеглата ви се потребни само пет минути. Загрејте ја на најсилна температура, а таблетата парацетамол фатете ја со пинцета за да не се изгорите. Со неа поминувајте по дното на пеглата, триејќи ги загорените дамки.

Нечистотијата ќе стане течност, па затоа пеглата пројдете ја неколкупати преку крпа. Наслагите ќе исчезнат веднаш.