ВИДЕО | Трик кој секоја домаќинка треба да го знае: Ова овошје може да ја отстрани ‘рѓата од металните површини за минута
На сите метални површини, а најчесто на ножевите најбрзо се создава ‘рѓа. Доколку мислевте дека не постои спас, се лажете. Возможно е да ги вратите предметите во домот во првобитната состојба и тоа со помош на еден едноставен трик за кој ви е потребен само еден лимон.
Најдоброто од се е што не морате да потрошите многу пари, а резултатите нема да изостанат.
Една домќинка го сподели овој трик со следбениците на социјалната мрежа Инстаграм и ги воодушеви сите. Исто така, таа додаде дека, освен што ја отстранува ‘рѓата, лимонската киселина делува антибактериски, антисептички, но и како избелувач.
Постапката е многу едноставна, само поминете со лимонот неколку пати преку ножот.
View this post on Instagram
Освен на овој начин, можете да си помогнете и со сода бикарбоната, така што ќе ја посипете на извалканите садови или метални површини и ќе ги исчеткате со жица за садови.
Уште еден, како што многумина тврдат, ефикасен начин, е да употребите јаболков оцет и да ги оставите извалканите метални површини во него барем еден час. Потоа пребришете ги и ‘рѓата повеќе ќе ја нема.