ВИДЕО | Торино и со играч помалку подобар од Милан во Купот на Италија
Непријатно изненадување вечерва во Купот на Италија на своите навивачи им приреди Милан кој го заврши натпреварувањето во осминафиналето.
Имаше шанси Милан, но не ги искористи па така беше поразен со 0:1 по дополнителните 30 минути игра. На избраниците на Пиоли не им беше доволно ниту тоа што од 70. минута имаа играч повеќе на теренот. Втор жолт картон кај Торино заработи Џиџи Кофи.
Одлучувачкиот момент на натпреварот се случи во 114. минута кога Бајеје испрати топка во шеснаесетникот, а добро знаеше да ја искористи Адопо кој ја смести во мрежата.
AC Milan 0 – [1] Torino
— zack💚 FAST GOALS (@GoalsZack) January 11, 2023
За Милан ова е првпат по 13 години да биде елиминиран во оваа фаза од Купот на Италија. Торино во четвртфиналето ќе го чека подобриот од натпреварот помеѓу Сампдорија и Фиорентина.