Том Брејди ја дочека 2026 година во друштво на американската инфлуенсерка Аликс Ирл (Alix Earle), а видеото од двајцата предизвика гласини дека се во љубовна врска. Извор за магазинот „Пипл“ изјавил дека тие биле на забава на островот Сен Бартс. Првата вест ја објави „ТМЗ“, а новинарите се обидоа да добијат коментар од Брејди и Ирл, но тие сè уште не се огласиле.

Аликс Ирл во декември минатата година откри дека таа и Бракстон Бериос се разделиле по две години врска:

„Воопшто не беше лесно да се прифати и мислам дека се плашев нешто да кажам затоа што мислев дека тоа ја прави ситуацијата пореална. Јас и Бракстон веќе не сме заедно. Од јуни бевме во врска на далечина“, изјави таа на Тикток.

Том Брејди во 2023 година беше поврзуван со Ирина Шајк по разводот од Жизел Бундхен. Американските медиуми подоцна пишуваа дека тој се забавува со Брукс Надер.

„Тие се гледале ова лето, се сретнувале во различни градови. Станува збор за опуштена врска. Таа има многу активен социјален живот и сака да се забавува, а Том често е со децата и не го сака ноќниот живот“, изјави извор за People.