Продолжија натпреварите од првото квалификациско коло во Лигата на шампионите, најголемото изненадување го направи Клаксвик од Фарски Острови.

Во првиот меч немаше голови, а на реваншот Клаксвик на гостувањето оствари сензационален резултат триумфираше со 0:3 против унгарскиот Ференцварош.

Инаку, Ференцварош пред само три години, настапуваше во групната фаза на ЛШ кога играше против гиганти како Јувентус, Барселона и Динамо Киев.

Во второто квалификациско коло на ЛШ е и Астана од Казахстан на македонскиот интернационалец Алекса Амановиќ.

Немаше победник на првиот дуел (1:1), а на возвратната пресметка Астана славеше во Грузија против Динамо Тбилиси со 2:1. Амановиќ запиша асистенција во 50 минута кога Астана израмни на 1:1.

Балкани од Косово запиша победа од 2:0 во првите 90 минути, но тоа не беше доволно бидејќи на реваншот загуби со 4:0 од бугарскиот Лудогорец. Во следната фаза се пласираа и екипите на Олимпија Љубљана, Карабах и Слован Братислава.