Натпреварот меѓу Интер и Ривер плата, кој заврши со победа на „нераѕурите“ од 2-0, не мина без тензични сцени и инциденти по последниот судиски свиреж. Италијанскиот тим со триумфот обезбеди пласман во осминафиналето на Светското клупско првенство, додека за Аргентинците ова значеше крај на настапот.

Тензијата се чувствуваше уште за време на натпреварот, особено откако Ривер остана со двајца фудбалери помалку. Најголемите тензии дојдоа по завршувањето на натпреварот

Фудбалерот на Ривер, Маркос Акуња, реагираше бурно и тргна кон Дензел Думфрис, шт предизвика реакцијата на клупските соиграчи и стручниот штаб на Интер. Кристијан Киву се најде меѓу првите што се обидоа да ја смират ситуацијата, а интервенираа и други фудбалери и обезбедувањето.

Додека фудбалерите се упатуваа кон соблекувалните, навивачите на Ривер, незадоволни од елиминацијата, фрлаа предмети кон играчите на Интер, но за среќа немаше потешко повредени.

🤡 pic.twitter.com/lmLkaQF3OG

— Inter Xtra (@Inter_Xtra) June 26, 2025

Инцидентите засенија дел од спортската слика, но Интер оди понатаму, додека за Ривер оваа кампања завршува со горчлив вкус и испад во групната фаза.

ВИДЕО | Интер го елиминираше Ривер, осминафинале и за Рамос со Монтереј