ВИДЕО: Столе Димитриевски во Топ 5 одбрани на колото во шпанската „Ла Лига“
Во 17 коло од најсилното шпанско фудбалско првенство составот на Рајо Ваљекано загуби од Осасуна со 1:0 со гол постигнат во самиот финиш од мечот.
До примениот погодок Столе Димитриевски со неколку одлични одбрани го одржуваше својот тим кон поволен резултат.
Една од тие одбрани на македонскиот репрезентативен голман се најде и во изборот на „Ла Лига“.
Нашиот чувар на мрежата е на петтата позиција во изборот (ВИДЕО) во кое се и голманите Серхио Херера (Осасуна), Руи Силва (Реал Бетис), Ињаки Пења (Барселона) и Јан Облак (Атлетико Мадрид).
Новиот меч во шампионатот Рајо ќе го има денеска од 19.00 часот на домашен терен против Валенсија.
Рајо Ваљекано кој моментно е на 11 позиција на табелата со 20 бодови, осум натпревари по ред нема победа во првенството.